الأحد 9 حزيران 2019 | 0:38 صباحاً بتوقيت دمشق
  • الفنان مكسيم خليل ينعي الساروت: روح ياساروت ..روح مبسوط

    الفنان

    نعى الفنان السوري مكسيم خليل "حارس الثورة" عبد الباسط الساروت بعد الإعلان عن استشهاده متأثراً بجراحه في ريف حماه.

    وكتب الفنان مكسيم منشوراً مطولاً جاء فيه:

    روح ياساروت ..روح مبسوط ..روح مرتاح ..
    روح بطل ..طريق روحك مفروشة بدموع وبحب السوريين يلي عشقو سوريا العظيمة...و حتى بدموع يلي خافو من كلمة حرية...صدقني كانو يسمعو أغانيك وقلبهم يهتف بخوف من جوا معك ..كلمة الحق
    بهاد الزمن بجوز بتخوف..بس مابتْموت ..كلمة الحق بتعيش وبتكبر حتى جوات يلي كذبوها وخونوها و غدروها واستغلوها ..كلهم من جوا بحبوها وبتمنوها..ولما رح ينظلمو رح يتذكروها..
    اليوم ماانتهيت يا ساروت ...
    اليوم تحديداً بلشت قصتك الحقيقية..
    قصة "البطل" ..متلك متل وليام والاس..متل روبن هود.. متل عمر المختار ومتل كتااااار من الأبطال يلي ظلمتهم وشوهتهم رواية الطغاة والخوف بالحاضر ..وخلدهم التاريخ بالمستقبل..أبطال عرفناهم وعشقناهم بالأفلام والكتب حاربو الظلم وماتو مظلومين ومقهورين ..بس كانو بالنهاية بطل الفيلم..وبطل الرواية..
    وانت واحد من ابطال سوريا ..يلي يوماً ما رح تفخر فيك و بأمثالك يلي :
    ولله لو كُنت الطاغية ..
    لحملت نعشك على كتفي..
    وذرفت من دمائك دموعي..
    فبرحيلك تُعلن هزيمتي..
    ولله لو كنت الطاغية..
    لاقتلعت ذاكرتي..
    وحضنتك حتى توحّد ذاك الوطن..
    حتى تحرر هذا الوطن..
    وحفرت اسمائكم على هذا الكرسي..
    واعلنت انتصاري..
    انتصاري على نفسي..

    الساروتعبدالباسط الساروترصدسوشيال ميديا